Viñetas 2013

A falta dun mes para que comece a 16ª edición de Viñetas desde O Atlántico, xa temos confirmados os autores cos que compartiremos charlas, exposicións e firmas do 5 ao 11 de agosto. Botade un ollo á representación deste ano:

Autores

David Aja: o vallisoletano xa visitou Viñetas fai varias edicións. Na actualidade está triunfando co seu traballo na colección “Ojo de halcón”, na que colabora co guionista Matt Fraction. A serie xa recibiu varias nominacións aos premios Eisner, os máis importantes do medio.

Max: trátase dun referente da historieta española e gañador do Premio Nacional do Cómic de 2007. Visítanos coa súa reciente obra “Vapor” á que pronto se lle sumará “Paseo astral”, de inminente publicación.

Jan Francisco Pérez Navarro: no ano no que se cumple o 40 aniversario de Superlópez, Jan volverá a visitar Viñetas, desta vez acompañado do seu compañeiro de equipo creativo Francisco Pérez Navarro, con quen traballou ademáis en “Otra vez el supergrupo“.

Susanna Martin: traeranos orixinais da súa última novela gráfica “Sonrisas de Bombay“. Nas Bibliotecas tamén podedes descubrir a súa obra “Alicia en un mundo real”.

Enrique Fernández: ademáis de ser nominado ao Premio á Mellor obra de autor español de 2012 do Saló de Barcelona por “Aurore“, logrou sacar adiante o proxecto de crowdfunding titulado “Brigada”.

Fausto Isorna: o autor galego foi director artístico da revista “Golfiño” e director de El Patito Editorial.

Baru: recoñecido autor da bande dessinée francesa, foi gañador do Gran Premio de Angoulême de 2010 a toda unha carreira. A viñetas visítanos coa súa última obra publicada en España “Los años Sputnik“.

Frank Le Gall: autor tamén da bande dessinée francesa, é o creador da saga de aventuras “Théodore Poussin“. Nas Bibliotecas podedes disfrutar xa do seu álbum “Miss Annie”.

Exposicións

O mar e a historia nos cómics: comisariada por Toni Guiral, poderemos disfrutar desta exposición no Aquarium da Coruña.

Superlópez: comisariada por Antonio Martín, contaremos cunha importante retrospectiva dun das personaxes máis populares e entrañables do cómic español: Superlópez.

As Bibliotecas Municipais da Coruña participamos nesta edición, coma nas anteriores. Pouco a pouco iremos desvelando máis información. Polo momento buscamos voluntarios para o noso Stand na feira. Esperámosvos!

Anuncios