O Concello de Fene convoca a vixésima edición do concurso “Coruxa do humor” para humoristas gráficos que poderán presentar un só debuxo ata o 30 de maio de 2016 ás 14:00 horas.
As obras presentadas a concurso deberán ser de creación propia e inédita. Presentaranse en formato papel, mesmo no caso de traballos realizados dixitalmente. A dimensión máxima do debuxo será de 29,7×42 cm (A3). Non se admitirán fotocopias nin gravados.
Os premios son:
Categoría CURUXA (maiores de 25 anos)
- 1.º Premio, dotado con 2.000 euros e diploma
- 2.º Premio, dotado con 1.500 euros e diploma
Categoría CURUXA-NOVA (menores de 25 anos)
- 1.º Premio, dotado con 1.000 euros e diploma
- 2.º Premio, dotado con 500 euros e diploma
CONTACTO: Concello de Fene, Rúa do concello s/n, Fene (A Coruña). Tel. 981 492 707.
PUBLICACIÓN OFICIAL: BOP 25-02-2016
