Esta semana contamos con dúas presentacións imprescindibles na librería Alita (Orzán). O venres 16 Xulia Pisón presentará o seu traballo “(∞ – 1)” e o sábado 17, o autor do prólogo do fancine de Xulia precisamente, estará presentando o seu cómic máis incendiario “Gran Hotel Abismo”. Falamos, claro está, do noso querido David Rubín.

Xulia Pisón. Venres 16.

Alita Cómics acollerá este venres 16 de Decembro na tenda do Orzán, 94 a partir das 19.00 horas a presentación do novo cómic de Xulia Pisón “(∞ – 1)”, un recopilatorio de historias breves de diferente temática e que está coeditado por ela mesma e a librería Alita Cómics, no que é a segunda ocasión na que participa na edición dun cómic. Entre as historias recopiladas, figura “Ata o derradeiro alento” a historia gañadora no ano 2015 do certame “Xuventude Crea”, organizado pola Xunta de Galicia.

David Rubín. Sábado 17.

Alita Cómics acollerá este sábado 17 de Decembro na tenda do Orzán, 94 a partir das 19.00 horas a presentación do novo cómic de David Rubín e Marcos Prior “Gran Hotel Abismo”, unha mirada sobre a violencia institucional e o caos social na que os autores propoñen nun futuro non moi lonxano, unha sátira política con acción a raudais, reflexión e experimentación formal.

Anuncios