A mostra bibliográfica “A volta ao mundo en 40 novelas gráficas” está a vosa disposición na Biblioteca do Ágora dende xa e ata o 12 de Novembro.

Para facela, partimos da idea orixinal da revista Peonza, que no ano 2014 sacaba un monográfico adicado a BD. Na nosa mostra, mergullarémonos noutros mundos, noutros países, noutras vidas, en ocasións moi afastadas ás nosas, noutras, non tanto.

As novelas gráficas escollidas ambientan un lugar, un barrio; cóntannos esas pequenas historias do día a día (“Miércoles“), as loitas cotiás (“Otras jaurías“), a emigración (“Emigrantes“), a crueza das guerras (“Puta guerra!“). Coñeceremos cómo é a vida dunha muller vivindo no réxime totalitario islámico de Irán (“Persépolis“), a terrible situación en Cidade Juárez (“Luchadoras“), son auténticas cartas de amor cara a unha cidade (“It`s dark in London“), homenaxes a países, épocas (pasadas ou presentes) e a distintos modos de vida.

París, Nova York, Berlín, Madrid, Budapest, Groenlandia … pasarán ante os nosos ollos desde a particular visión do mundo gráfico, sempre buscando novas formas de comunicación e de innovación. Coa lectura destes cómics viaxaremos a outros lugares sen movernos do sofá porque… “Viaxar é a resposta, non importa cal sexa a pregunta”.

Esperámosvos! 😉

Anuncios