A área de cultura da Deputación da Coruña convocou unha ampla serie de certames dirixidos a fomentar e visibilizar a creación en moi diferentes disciplinas. Moitos deles son galardóns de referencia no noso país e mesmo fóra del. No caso que aquí corresponde, convocouse o XV Premio “Castelao” de Banda Deseñada, un dos máis importantes e con máis remuneración do Estado. Establécense dous premios, dotados con 6.500 € cada un deles, para cada unha das seguintes categorías:

MODALIDADE XERAL: obras dirixidas a todo tipo de lectores. MODALIDADE LIX: obras dirixidas especificamente ao público lector infantil e xuvenil.

Accede ás Bases 2020: XV Premio

Queda clara a importancia do colectivo de profesionais que traballan na creación en banda deseñada en Galicia e o prestixio do premio, consultando o historial de persoas gañadoras:

2019. – A caza / Alberto Vázquez (Xeral) – Uxío /

Martín Romero (LIX)

2018. – Canción para afundir flores no mar / Oliver Añón

2017. – O corpo de Cristo / Beatriz Lema

2016. – Fóra do mapa / Emilio Fonseca

2015. – A carreta do diaño / Fernando LLorente

2014. – O inferno do debuxante / Kiko da Silva (Gañador) – Lobada / José Trigo, Ramón Trigo (Finalista)

2012. – Catálogo de beleza gratuíta / Francisco Bueno (Gañador) – O misterio do Pico Sacro / Rafael Saldaña (Finalista)

2011. – Titoán / Iván Suárez, Ignacio Vilariño

2010. – A man do diaño / Brais Rodríguez

2009. – Sen mirar atrás / Daniel Montero

2008. – Mensaxes / Mariano Casas

2007. – Aventuras de Cacauequi / Jacobo Fernández Serrano

2006. – Un home feliz / Antonio Seijas

2005. – Onde ninguén pode chegar / David Rubín

Lembra que dende o 1 de xuño as Bibliotecas Municipais da Coruña xa están abertas ao préstamo presencial, pero para garantir a túa seguridade, de maneira temporal o préstamo de materiais rexerase por tres condicións:

  • Que nos indiques previamente que materiais che interesan (ata 15 documentos).
  • Que nos solicites unha cita previa para vir á biblioteca realizar o préstamo.
  • Que non se realizarán reservas nin peticións de libros a outras bibliotecas.

Tes toda a información na páxina web das Bibliotecas e tamén o formulario de solicitude de cita previa para o préstamo e ten en conta os horarios de cada biblioteca á hora de solicitar a túa cita.

Non agardes máis e fai unha inmersión na mellor BD galega.