Destinado a persoas a partir de 15 anos, o Club de Lectura de Cómic é un grupo que se reúne periodicamente na Biblioteca Municipal Forum para comentar e valorar un cómic proposto e proporcionado dende as Bibliotecas Municipais da Coruña.Tanto a selección de cómics como as sesións para a posta en común realízanse coa axuda e orientación dunha persoa bibliotecaria coa que compartir experiencias e impresións sobre a lectura.